【香港人幾時先可以唔使含淚投票？】
有時我都好理解點解阿婆要投民建聯
民建聯起碼有蛇齋餅糉食
投民主黨好似屎都無得你食。
其他區我唔知，我見唔到
講番我自己嗰區啦，一個做咗幾屆嘅民建聯
一個上屆爭幾百票嘅民主黨，仲有隻𠝹票嘅鬼。
唔好話呢四年，呢幾個月我都無見過民主黨條友
拉票一次都無見過，淨係收過郵寄垃圾宣傳單一張。
我唔知當選後佢係咪會勵精圖治，幹出一番好成續啦
但我淨係知你要人投票但又唔蒲頭，
少少誠意都無，我好難相信你係好想要張選票啫。
即係個男人求婚都WhatsApp同我講
我好難信佢真係想娶我囉。
但anyway我都會含淚投票
我嘅立場係：我唔撚係想你贏，只係唔想民建聯贏。
兩舊屎之間我揀舊無咁令我反胃嘅屎咋。
1124，含淚踢走建制。
IG：@hkgirlfriend
FB：港女友
Search